આયુર્વેદિય મતે વરણો ઉષ્ણ- ગરમ હોય છે. તેથી તે મંદાગ્નિને મટાડી ભૂખ લગાડે છે અને આહાર પચાવે છે. તે પેટમાં થતો આહારનો સડો અને મળ તથા વાછૂટની દુર્ગંધ મટાડે છે. જેને ઉર્ધ્વવાયુથી આહારના ઉછાળા અને ઓડકાર આવતાં હોય, પેટ ફૂલી જતું હોય તેને વરણો સારો ફાયદો કરે છે. યકૃતની ક્રિયાઓને સુધારનાર હોવાથી પિત્તસારક ગણાય છે તેથી તે પિત્તાશયની પથરીમાં ખૂબ હિતાવહ છે. સૂકા કે રક્તસ્રાવી મસામાં વરણાનો ઉકાળો સવાર-સાંજ પીવાથી ખૂબ સારો ફાયદો થાય છે.

-          વૈદ્ય મનુભાઈ ગૌદાની